Дел од плажа во Лагадин причина за кавга

Простор на плажа во Лагадин од 300 метри квадратни причина за сериозна кавга помеѓу двајца корисници. Од 19 -ти април, кога Комисијата од Министерството за транспорт и врски ја постави границата меѓу соседните плажи на хотел Макотекс во Лагадин и соседниот корисник, почнале да пристигнуваат првите закани по животот за вработените од Макотекс, раскажува Климе Тренески. Соседниот концесионер на просторот од плажата поставил маси и столици и го узурпирал просторот кој со договор од ресорното минитерството е доделено на користење на хотел Макотекс, тврди  Тренески. Овој простор го планиравме за влез на  педалинки, но почнаа да пристигаат закани  лично и по телефон, нагласува Тренески.

„Бараме од институциите да не заштитат од Петре Петрески и неговите синови бидејќи ни се закануваат“, повикува Климе Тренески.

Пред три месеци вработените од хотелот повеле судска постапка, нагласува Тренески. Судот донел решение во нивна корист, но соседниот концесионер и понатака продолжил со узурпацијата на просторот. Доаѓале адвокат и извршител од Судот, по што просторот се рачистувал , за набрзо потоа повторно да се узурпира, објаснува Тренески.

„Станува збор за простор кој го узурпира насилникот кој не е концесионер. Претходно бил концесионер, но за последниот тендер негираше дека ќе ги земе плажите,  а сега сака на сила да ги користи плажите“, тврди Тренески.

Ние не сме виновни што плажата ја добивме со договор за користење и што ги подмиривме сите давачки  уредно кон ресорното министерство, вели Тренски.

„Бараме да работиме мирно и спокојно на она што ни го има дадено државата и она што го имаме уредно платено, само тоа ништо друго  и не сакаме да ни биде загрозен животот од тој насилник“, ги повикува институциите во заштита Тренески.

Климе  Тренески  кажа дека  заканите во неколку наврати упатени кон него, неговото семејство и вработените, биле пријавувани  во полиција.

{loadposition content9}