Над 500 куќи изгореа во шумски пожар во Колорадо

Над 500 куќи се уништени од шумските пожари кои брзо се шират, а кои ја зафатија американската сојузна држава Колорадо, изјави локалниот шериф.

Знаеме дека приближно 370 куќи во предградието Сагамор се изгубени. Уште 210 домови во Стариот град Супериор најверојатно ќе бидат изгорени – рече шерифот на округот Болдер Џо Пеле на прес-конференција.

Шумскиот пожар зафати големо подрачје, откако се разгоре вчера претпладне, по локално време.