Лицата кои ќе бидат помлади до 14 години во 2027 година никогаш нема да можат да купат цигари во Нов Зеланд. Ова е дел од предлогот откриен денеска, а со цел да се намали бројот на продавачи на цигари и да се намали никотинот во сите производи.
Забраната ќе остане до крајот на животот на овие луѓе, што значи дека лицата кои во 2073 година ќе имаат 60 години нема да можат децении претходно да купат цигари, пренесува Ројтерс.
Сакаме да се осигураме дека младите никогаш нема да почнат да пушат, со ова ќе се смета за прекршок продажбата или набавка на производи од никотин за наредните генерации – изјавила помошник министерката за здравство, Ајеша Верал.
Во моментов 11,6 проценти од сите жители на Нов Зеланд постари од 15 години пушат, додека овој процент кај староседелците е 29 отсто, покажале владините податоци.
