Бугарски МиГ-29 се урна во Црното море

Како што јави дописникот на МИА од Софија, повикувајќи се на порака од бугарското Министерство за одбрана, инцидентот се случил при извршување на задача за обука над морското подрачје на Република Бугарија, авион МиГ-29 на бугарското воено воздухопловство изгубил радио комуникација и исчезнал од радарите во 00:45 часот по локално време.

Акцијата за пребарување и спасување е започната веднаш и е во тек, засега нема информации дали пилотот бил спасен. Во потрагата се вклучени морнарицата, Заедничката команда за специјални операции, Граничната полиција и Бугарското воено воздухопловство.

Министерот за одбрана на Бугарија Георги Панајотов патува во областа на инцидентот. Причините за падот на авионот остануваат нејасни.

Истрагата ќе ја преземе военото обвинителство. Властите соопштија дека тактичката вежба е прекината, а вежбата требаше да присуствува техничкиот бугарски премиер Стефан Јанев.