Експлозија во Белград, има повредени

Неколку лица се повредени во експлозијата на шише со гас што се случи во центарот на Белград.

Од силната експлозија се скршиле прозорците на блиските локали, додека пак од Брзата помош велат дека две лица се пренесени во Ургентниот центар, како и дека едно лице е на реанимација.

Полицијата соопшти дека пет лица биле повредени во експлозијата.

Според првите информации, експлозијата се случила во ресторан за брза храна, а повредени се работници и човек кој дошол да помогне, а еден од нив е со тешки повреди.

Екипите на Брзата помош се на терен, а истрагата е во тек.