Од 15 те случаи во Охрид кои се регистрирани со корона вирус сеуште нема излекувани. Во овој момент нема информација дека има оздравени лица кои се на домашно лекување. Охрид петти ден е без регистрирани нови случаи на инфицирани. Нема место за паника, порача министерот за здравсто по последниот случај од 19- ти април кога беа регистрирани 8-охриѓани, а вработени на една бензиска пумпа во Охрид.
„Сметам дека работата е локализирана и овие мерки на рестрикција кои досега ги презедовме и новите кои ги воведовме, работите ќе се под контрола како што е сега , “ вели министерот Филипче.
Министерот информира дека на Инфективната Клиника во Скопје како поддршка на медицинскиот тим доброволно престојува кардиологот доктор Игор Балески, по потеко охриѓанец. Тој долги години живее и работи во Универзитетската болница во Марибор и има огромно искуство во третман на пациентите на интензивна нега, инфромира Филипче.
„Тој е кардиолог, меѓутоа сметавме дека неговото искуство во третман на овие пациенти ќе помогне и при третманот на нашите пациенти на Инфективната Клиника. Тој се понуди да дојде и сега две недели практично со отсуство од Словенија ќе волонтира, ќе работи со нашите колеги. Денеска за првпат престојуваше на Инфективната Клиника. Сакам да изразам голема благодарност до колегата и уверен сум дека неговиот придонес во оваа ситуација навистина ќе биде од големо значење и за пациентите и за членовите на медицинскиот тим на Инфективната Клиника“, изјави министерот Филипче.
Според официјална статистика на ресорното министерство во Охрид досега има 15 случаи на ковид 19, а во соседна Струга 55.
