Рударска несреќа во Кина загинаа 15 работници

15 рудари загинаа, а девет се повредени во несреќа во рудник за јаглен во Кина, соопштија локалните власти.

Акцијата за спасување била прекината утрово, бидејќи сите преживеани излегле од јамата во северната провинција Шанкси.Истрагата за причината за експлозијата е во тек.Кинеските рудници се сметаат за најсмртоносни во светот.

Честа причина за рударски несреќи се експлозиите на метан. Поголемото почитување на прописите за безбедност, обуката на работниците и затворањето на мали рудници придонесло да се намали бројот на несреќи во последните години.