Протерани единаесетмина албански државјани од земјава

Единаесетмина албански државјани денес се протерани од земјава. Биле затекнати во непосредна близина на струшката депонија која била и нивно привремени живеалишта. Тие се протерани од земјава по изречената мерка од Јавното обвинителство во соработка со полициската станица, а при тоа им е изречена мерка забрана за влез од една година во Македонија, информира Стефан Димоски портпарол на СВР Охрид.

„Единаесеттемина се затекнати на 25 -ти овој месец на депонијата каде имале изградено импровизирано живеалиште и работеле на собирање на пластичен отпад. Со претходна консултација на јавното обвинитетсво им се изречени соодветни пријави за нелегален престој во државата и нелегална работа на подрачјето на Струга, “информира Димоски.

Дел од протераните лица претходно во земјава влегле илегално , а други  легално. Од полицијата нема конкретни информации дали овие лица имаат дирекно учество во палењето на депонијата.

„ Посебен тим на полициски службеници сеуште ги утврдуваат околностите дали нивното присуство и делување на депонијата е директно поврзано со нејзиното палење. Она што ќе произлезе од истрагата ќе биде предмет на полицијата и јавното обвинителство “, кажа Димоски

Единаетмината албански државјани живееле неколку дена на депонијата,а од вчера депонијата повтроно гори. Чад и миризба од депонијата се ширеа и денес, а проблемот со горење на струшката депонија трае два месеци.