Сомнителен меч на големиот турнир УС Опен

Единицата за веродостојност во тенисот (TIU) објави дека истражува неправилност поврзана со дуелот од првото коло на УС Опен помеѓу Швајцарката Тимеа Башицки и Русинката Виталија Дјаченко кој заврши со 6-1, 6-1 за Швајцарката.

За овој меч се утврдени големи и необични уплати во обложувалниците во светот.

“Како и во секој случај, така и во овој TIU ќе ги разгледа фактите и ќе донесе одлука за покренување мерки по предупредувањето поврзано со средбата помеѓу Виталија Дјаченко и Тимеа Башицки играна на УС Опен на 30 август во рамките на првото коло”, објави TIU.