Младите социјал демократи од Македонија добија поддршка од европските колеги

 Обуки со странски предавачи одржаа младите социјал демократи од Македонија. Целта е подготовка на младите за политичко делување во  рамките на младите и партијата, вели претседателот на СДММ , Стефан Богоев. На обуките добиле поддршка од организациите во кои членуваат, а усвоиле и резолуција за поддршка на СДММ И СДСМ.

 „Покажавме и докажавме дека на светот му  е јасно дека во Македонија владее еден авторитарен режим, нешто што е недозволиво да се случи во срцето на Европа и Балканот. На сите  им е  јасно дека ова не е битка меѓу власта и опозицијата туку е битка на сите слободоумни граѓани против неколкумина во врвот на ВМРО ДПМНЕ“, кажа  Богоев.

Меѓу  македонските млади социјалдемократи беа  и генералните секретари на двете организации Интернационалната унија на социјалдемократскиот подмладок  и  младите европски социјалисти.
Евин Инчер генерален секретар Интернационалната унија на социјалдемократскиот помладок истакна  дека за жал присутни се тука во една кризна ситуација каде што има нарушување на демократијата и  човековите права. Тука сме да покажаме не само солидарност туку и дека луѓето од Македонија не се сами. Се што се случува тука се одразува и наоколу. Заедно ќе се бориме во сопствените земји, во Европа и во светот да ги поддржиме во борбата  за демократија и да се најде излез од ваквите околности, подвлече Инчер.  

„Се надеваме дека во иднина ќе продлжиме да ја гледаме Македонија со разрешена ситуација и македонците да се соочат со демократија и слобода наместо пристисоци и авторитарен  режим“, кажа Инчер

Истото гледиште го дели и Нина Живановиќ генералниот секретар на младите европски социјалисти. Важно е да се биде во Македонија со луѓето кои се борат за демократско општество нешто што треба да е нормална појава за  демократското живеење  во 21 век,  напоменува Живановиќ. За жал тука се случија многу нешта, но младите социјал демократи покажуваат дека приоритет им е демократијата и имаат сила за да стигнат до целта. Таа додава и што е  важно за нив во моментов.

„ Да се испрати порака дека ние сме тука и ќе направиме се што е потребно од идеја, поддршка и пренесување на пораката за се она што се случува во Македонија, не се знае во светот и опкружувањето многу  за случувањата во земјата. Наша улога е да ги поддржиме нашите  другари во нивната борба тука,“ посочи Живановиќ.

Обуката  на СДММ се одржа со помош на неколку организации како што се Прогрес Институт за социјалдемократија и холандската фондација Макс Вандер Штул.