Шведската фабрика за автомобили „Сааб“ пред стечај

Шведската Влада сосема ја исклучува можноста да ја откупи фабриката за автомобили „Сааб“, која ја потресува криза, од американскиот автомобилски гигант „Џенерал моторс“.
„Шансите на „Сааб” не се особено добри, изјави шведската министерска за стопанство Мауд Улофсон. – Тие немаат никаква идеја како ќе ја развиваат својата компанија за да остварат рентабилност. Тоа не вознемирува и не зачудува“, нагласи Улофсон.

Телевизискиот канал ТВ4, повикувајќи се на владини извори, тврди дека шведската Влада сега е подготвена да му дозволи на „Сааб“ да оди под стечај.
Шведскиот премиер Фредрик Рајнфелд за ТВ4 изјави дека мора да постојат вистински гаранции, доколку државата би се решила да одобри заем за „Сааб“.

{loadposition content9}