Нов терористички видеоклип

Германската полиција проучува нов исламистички видеоклип на Интернет, што соддржи закани за терористички напади во Германија.
Видеоматеријалот веројатно е изготвен пред околу една недела од Сојузот за исламски џихад – малку позната група од Пакистан и Авганистан.

На клипот се гледаат шестмина маскирани мажи, кои говорат на различни јазици, а  последниот од нив и на германски јазик. Тој порачува: „Оваа година имаме подготвени некои изненадувачки пратки за окупациските сили, така што сојузниците на окупациските сили треба постојано да се во очекување на нашите напади“.

Од раководството на федералната полиција на Германија во Висбаден потврдија дека го проучуваат видеоклипот, додавајќи дека во него се споменува името на канцеларот Ангела Меркел.
Пред две недели германските органи за безбедност на Интернет открија друг сличен видеоматеријал. На него беше маж што задскриен говореше на германски јазик, а потоа беше идентификуван од властите како Мароканец со германски пасош, кој добил образование во исламистичка гимназија во регионот на Бон, потсетуваат агенциите.

{loadposition content9}