Норвешка донесе закон против макроата

Во Норвешка од 1 јануари во сила влегува нов закон, што забранува купување сексуални услуги како на територијата на цела земја, така и од страна на норвешки граѓани кои се наоѓаат во странство.

Законот нема да ги гони проститутките, туку подведувачите на жените.
Прекршителите на законот ризикуваат парична казна или затвор од шест месеци, или и двете заедно.

Во случаи во кои се замешани малолетни деца или постојат отежителни околности за сторителот, казната може да биде дури и построга.
Според некои критичари, законот ќе ги принуди проститутките да преминат во илегала и ќе ги изложи на поголем ризик, бидејќи ги принудува клиентите да ги бараат по ноќните локали и пред хотелите.

„И покрај ова, браншата ја поздрави новината“, рече Хилде Солхајм од Сојузот на норвешки
претпријатија за трговија и услуги за електронското издание на весникот “Афтенпостен”.
Таа дополни дека ноќните локали се исправени пред некои предизвици, затоа што ќе треба да постигнат баланс меѓу спречувањето на проституцијата и недискриминацијата на невините.
Во 2008 година во Норвешка со проституција се занимавале околу 3.000 лица, а една третина од нив работеле на улица, покажуваат податоците на независниот социолошки институт (ФАФО).

{loadposition content9}