Антибиотиците и не се толку корисни

Инфекциите кои се отпорни на антибиотици убиваат 20 и кусур илјади Американци годишно. Ем затоа што пијат антибиотици и кога не треба, ем затоа што не се произведуваат нови толку брзо ко порано.

Со зголемувањето на отпорноста кон антибиотици, експертите се плашат дека секојдневните бактериски инфекции повторно ќе станат опасни по живот, а едно американско истражување покажало дека сме се поблиску до тоа сценарио.
Годишно, скоро 2 милиони луѓе во САД страдаат од инфекции кои се отпорни на антибиотици, а 23 илјади од нив умираат, се наведува во истражувањето.

Тоа е најдоброто сценарио базирано на конзервативните проценки кои предвид ги земаат само смртните случаи кои се директно поврзани со инфекциите.

Тајмс и Ројтерс објавија дека во истражувањето се наведени 17 бактерии кои се отпорни на антибиотици и една габа, вклучувајќи ја гонорејата која е отпорна на антибиотици.

Истражувањето предупредува дека не смее да се претера со користење на антибиотици, и кај луѓето и кај стоката.
Најстрашното е што новите антибиотици се развиваат многу побавно во споредба со пред неколку години, па на пазарот има сè помалку лекови.

{loadposition content9}