Нов нуклеарен инцидент во Јапонија

Бројот на истражувачи кои се изложени на радијација во Јапонија минатата недела, кога радиоактивен материјал истече од лабораторија за време на експеримент, се зголеми на 30, соопштија властите.

Радиоактивен материјал истече од лабораторија за физика во Токаимура, 110 км североисточно од Токио во четвртокот за време на вршење експеримент, соопшти Јапонската агенција за атомска енергија (ЈАЕА), која на владиното регулаторно тело за нуклеарна област го пријави истекувањето со задоцнување од над 34 часа.

Радијацијата не се проширила многу, иако двајца истражувачи се изложени на количини на радијација од 1,7 милисиверти, но на никој од нив не му било потребно лекување. Радиоактивните честички случајно се ослободени за време на експеримент поради прегревање, наведе ЈАЕА.

{loadposition content9}