Продолжува потрагата по американскиот воен авион

Продолжува потрагата по американскиот борбен авион Ф16 од италијанската база Авиано, кој од понеделникот навечер се смета за исчезнат во близина на брегот на Јадранското море.

Траги од гориво се пронајдени во поморската зона меѓу Лидо ди Савио и Церива, каде сега е насочена потрагата, јави Кориере дела Сера.Авионот, што бил на вежба заедно со уште три летала, ја изгубил радио врската со базата и исчезнал од радарот, јавуваат италијанските медиуми.

Пилотот сигнализирал за проблем во последната радио врска. Пилотот пак на авионот што летал заедно со исчезнатиот авион го слушнал СОС сигналот на својот колега, но не видел каде точно паднал авионот.
Во Авиано, северно од Венеција, се наоѓа важна американска воздушна и воена база.

{loadposition content9}