Десет „Златни малини“ за Адам Сендлер

Комичарот Адам Снедлер и неговиот филм „Џек и Џил“, ги урнаа сите рекорди на доделувањето на наградите „Златни малини“, за најлоши филмски остварувања во 2011 година.

Сендлер со неговиот филм освои „награди“ во дури десет категории, вклучувајќи ги и оние за најлош актер и најлош филм.

Фондацијата „Златна малина“ објави дека комедијата во која Сендлер, ги доби наградите за најлоша машка и женска улога, како и за најлош филм, режија и сценарио, ги соборил сите рекорди во 32-годишното постоење на оваа манифестација.

„Победниците“ на манифестацијата ги одредува жири составено од 650 членови и повеќе од 35 илјади гласови на интернет страницата специјализирана за филмската индустрија „„Расипан домат“.

Оваа година победниците беа прогласени на 1. април, за разлика од претходните години кога наградите „Златна малина“ се објавуваа пред доделувањето на оскарите.

{loadposition content9}