90 удари со камшик и 1 год. затвор за улога во филм

Иранската актерка Марзиех Вафамехр е осудена на една година затвор и 90 удари со камшик заради улога во филм кој говори за ограничување на уметничката слобода во таа земја.

За казната на актерката, опозицијата ја информираше јавноста на својата Интернет страна.

“Изречена е пресуда за Марзиеџ Вафамехр, која е осудена на една година затвор и 90 удари со камшик“, објавил Kalameh.com.

Актерката е уапсена во јули по ангажманот во филмот “Мојот Техеран на продажба“ кој наишол на остри реакции во конзервативните кругови.

Филмот, кој е снимен во соработка со Австралија, раскажува за млада актерка во Техеран чиј театар добил забрана од властите. Поради тоа, актерката е принудена да води таен живот за да може и понатаму уметнички да се одржува.

{loadposition content9}