Вредноста на албанската национална валута неконтролирано паѓа

Управителот на албанската централна банка Адриан Фулани повика за зајакнување на националната валута на земјата, која во последните месеци бележи тенденција на постојан пад во однос на еврото, пишува албанскито печат.
Фулани побарал од сите економски фактори на пазарот да имаат доверба во националната валута – лекот, и да не ја занемаруваат.

Тој истакнал оти треба да се запре притосокот врз националната валута и додал дека нејзиниот пад во однос на еврото не се должи на побарувачката и понудата, туку на една неоснована желба на некои економски фактори за наложување на еврото на пазарот.

Според него ќе биде грешка земјата да го воведе еврото, како што предложи премиерот Сали Бериша.
Еврото скокна во однос на албанската национална валута лекот и во моментот едно евро се разменува за 137 леки. Во почетокот на годината тој сооднос беше едно евро за 123,3 леки.

{loadposition content9}