И оваа година “Цветни балкони – Цветен Охрид“

300 жардинери со саксиско цвеќе денес беа поделени на 100 тина охридски семејства. Ова цвеќе од расадникот на претпријатието  „Охридски Комуналец“ќе се пресели во нивните дворови. Денешните подарени садници се само дополнителен мотив, охридските дворови да го добијат вистинскиот лик и да претставуваат одмор не само за нивните очи туку и другите да се восхитуваат, велат граѓаните.

„Супер се искрено кажано и за охрид и за нашите  домови. Повеќе ќе се заинтересираат луѓето за своите домови преку ваквите акции. Добро е совршено така треба да продолжат народот треба да одгледува и негува цвеќиња за поубав град“.

Овие акции треба да продолжат и понатака. Со тоа даваме поттик, луѓето подобро да си го уредат својот двор, вели директорката на ЈП „Охридски Комуналец“ Елена Скрческа.

„Нивна иницијатива е Охрид да го украсиме со дел од нашиот цветен расадник. Нашето претпријатие е задолжено за украсување на градот и затоа како нивни дел им помагаме во однос на разубавувањето на градот“– рече Скрческа.

Во соработка со основните и средните училишта од Охрид, исто така се одвива акција за собирање на стара хартија во дворовите на училиштата, каде се  поставени соодветни садови за одлагање на хартијата. Во акцијата можат да се вклучат сите граѓани и институции од Охрид , кои исто така својата отпадна хартија можат да ја донесат до најблиското училиште.

{loadposition content9}