Виталиј Кличко се повелкува од боксот

Светскиот шампион во тешка категорија, во верзијата на Светскиот боксерски совет (WBC), Виталиј Кличко реши да се повлече од спортот, за да може во целост да и се посвети на политиката.

Управниот одбор на WBC го прогласи Кличко за почесен шампион и ги поддржа неговите политички активности во Украина. Титулата почесен шампион им се доделува на боксерите кои ја завршиле кариерата, во мометот додека биле шампиони, и воедно им остава можност да се борат за титулата веднаш, доколку решата да се вратат во рингот.

Повозрасниот од браќата Кличко има 42 години и го носи прекарот ‘Железна тупаница’. Во кариерата има забележано 45 победи (41 со нокаут) и два порази.

Двата порази ги доживеал поради повреди во рингот, од Ленокс Луис и Крис Бред. Во моментите кога тие мечеви биле прекинувани, тој ја имал бодовната предност кај судиите.

Виталиј, во кариерата, никогаш не бил во нокдаун и никогаш во кариерата немал бодовен минус во своите мечеви.

Меѓу четирите најголеми боксерски федерации, верзијата WBC е најпрестижна во тешка категорија. Славниот ‘зелен појас’ го носеле сите славни боксери: Сони Линстон, Мухамед Али, Џо Фрејзер, Џорџ Форман, Кен Нортон, Лери Холмс, Мајк Тајсон, Ивандер Холифилд, Ленок Луис…

Виталиј Кличко, чија партија е дел од украинскиот паралмент, активно учествува во демонстрациите против претседателот Виктор Јанукович, тој најави дека на изборите во 2015 година ќе се кандидара за претседател на државата.

{loadposition content9}