Шест месеци пауза од скијањето за Линдзи Вон

На американската скијачка ѕвезда Линдзи Вон успешно и е извршена операција во Веил и и се санирани повредите на коленото и ногата по страотниот пад на првиот натпреварувачки ден од Светското првенство во Шладминг.

Четирикратната освојувачка на Светскиот куп го скина вкрстениот лигамент на коленото и заработи фрактура на потколеницата при тешкиот пад на трката во супервелеслалом.
Операцијата ја извршил официјалниот доктор на репрезентацијата на САД, Вилијам Стерет, а портпаролот Том Кели потврдил дека се поминало во најдобар ред и дека Вон се чувствува добро. Според прогнозите, 28-годишната скијачка во акција ќе се врати за 6-8 месеци.

{loadposition content9}