Рибери ќе и биде верен на Барса 4 години

Фрaнк Рибери, преку својот менаџер постигнал преддоговор со Барселона за трансфер во Шпанија, соопштува шпанскиот весник „Ел Мундо Депортиво”.
Фудбалерот на Баерн Минхен е на врвот на листата на желби на тренерот на Барса, Хосеп Гвардиола. Во пресрет на новата сезона Гвардиола сака да ги засили своите редови и со Бензема, Виља или Ван Перси.

Според договорот меѓу Барселона и Рибери, Французинот се обврзал на верност кон Каталонците во период од 4 години и ќе биде еден од најплатените играчи на „Камп Ноу“.
Сепак, управата на Барса не стапила во контакт со Баерн Минхен, клуб кој тешко дека така лесно ќе се откаже од услугите на својот најдобар играч, за кого плати 24 милиони евра пред две години.

{loadposition content9}