Традицијата продолжува, трасата се менува. Релито Дакар, годинава со нов имиџ, ќе го привлекува вниманието на вљубениците во искушенијата за машините и за возачите.
Планината Атлас и пустината Сахара се минато, мирисот на горивото годинава ќе го почувствуваат Андите и Атакама.
Поради ланските закани за терористички напади, организаторите решија релито да се пресели од Африка во Јужна Америка.
Патеката долга девет илјади километри минува низ десет аргентински и три чилеански провинции. Возачите тргнуваат ноќеска од Буенос Аирес, таму и ќе завршат на 18-ти.
Со три поранешни победници на Дакар во своите редови, Мицубиши е фаворит за осми тимски триумф во серија.
Најголемата закана за него би требало да доаѓа од Фолксваген предводен од двократниот рели шампион – Шпанецот Карлос Саинц.
{loadposition content9}
