Рекорден старт на каталонскиот гигант

Каталонскиот гигант успеа да направи рекорден старт во историјата на клубот со 33 освоени бода од 39 можни во првите 13 кола на Примера дивизијата. Каталонците го совладаа Депортиво Херес на гости со 2:0 и се одвоија со пет бода предност пред најблискиот конкурент Реал Мадрид но и со еден натпревар повеќе.

Според статистиката избраниците на Гвардиола имаат 10 победи и 3 ремија од 13 натпревари. Претходното најдобро постигнување на клубот беше од прошлата сезона кога Каталонците имаа 10 победи, 2 ремија и еден пораз во првите 13 кола на првенството. Каталонците лесно можеа да имаат и два бода повеќе но имаа несреќа да примат автогол од Пике во 93 минута на натпреварот во Памплона и со тоа загубија два бода.

Тренерот Гвардиола сепак инсистира да не се прават спооредби со минатата сезона заради ризикот се да биде загубено при крајот на првенството. Каталонците имаат само уште два натпревара до крајот на годината – во сабота на „Риасор“ против Депортиво Ла Коруња и по една недела на „Ноу Капм“ против каталонскиот ривал Еспањол.

{loadposition content9}