Пандев тежи 18 милиони евра

Нашиот најдобар фудбалер, Горан Пандев, чини цели 18 милиони евра, според спортскиот директор на „лацијалите“ Игли Таре. Тој во изјава за италијанските медиуми, потврди дека цената на Пандев во моментов не е под 18 милиони евра за сите кои сакаат да го ангажираат во својот тим за следната сезона.

Во Лацио имаат реална слика за настаните околу нашиот репрезентативец, па затоа ова лето ќе се обидат да ја извлечат најдобрата цена за него. Во последно време Пандев е се почесто врзуван со можен трансфер во Наполи, кој веќе понуди 12 милиони евра и еден млад фудбалер во замена за нашиот голгетер.

 Покрај Наполи, за услугите на Пандев целиот минат период се интересираат и Јувентус, Баерн (М) и Фиорентина, а во игра беа и некои имиња на клубови од англиската Премиерлига.

{loadposition content9}