Опомената на Турсунов и задникот на Надал

Рускиот тенисер Дмитриј Турсунов ги загуби живците во мечот од првото коло на АТП турнирот во Ротердам.

Турсунов играше против бугарскиот тенисер Григор Димитров. Русинот го загуби првиот сет со 2:6, а во вториот при водство од 2:1 заработи опомена заради надминување на дозволеното време меѓу поените.

„Колку го надминав времето? Помалку или повеќе од Рафа? Мислам дека Надал го прекорачува времето за осум секунди и никој никогаш не му дава опомени“, му рече Турсунов на главниот судија, а потоа додаде:

„Рафа го чачка газот 30 секунди, а вие само гледате. Никој не смее да писне“.

На крајот го загуби мечот. Димитров славеше со 2-1 по сетови 6:2, 1:6 и 6:4.

{loadposition content9}