Македонија на гости кај третите во светот

Македонската фудбалска репрезентација денеска ги продолжува квалификациите за пласман на СП со тешко гостување против Холандија, трето рангираната репрезентација на светот.

Натпреварот е во рамки на 9.квалификациона група, во која Холандија по четири меча е лидер со максимален учинок.

Македонија има скор од една победа и два порази, но се уште е во игра за второто место во групата, кое обезбедува бараж за пласман на Мундијалот 2010.

Мечот започнува во 20,45 часот, а според најавите, вечерва на „Амстердам арена“ ќе има околу 1,500 македонски навивачи.

Ова ќе биде второ гостување на Македонија кај силната Холандија, по изненадувачкото реми без голови пред околу четири години.

Холандија во септември минатата година гостуваше во Скопје и победи со 2-1.

Во вториот натпревар од квалификациона група, Шкотска денеска е домаќин на Исланд.

{loadposition content9}