Кристиано Роналдо добитник на „Златна топка

Фудбалерот на англискиот клуб „Манчестер Јунајтед“, Португалецот Кристиано Роналдо ја доби „Златната топка“ за најдобар фудбалер во Европа за 2008 година во анкетата на француското списание „Франс Футбол“.

Резултатите од анкетата беа познати уште на 2 декември, но наградата му беше врачена денеска на грандиозна свеченост, која директно се пренесуваше на француската телевизија.

На церемонијата присуствуваше целото семејство на Роналдо, како и неговиот тренер Алекс Фергусон.

„Многу сум среќен. Ова е мојата желба уште од детство. Отсекогаш сум посакувал да ја добијам оваа награда еден ден. Многу сум возбуден, многу сум радосен и би сакал оваа награда да му ја посветам на моето семејство, кое ми помогна да стигнам до тука“, изјави Роналдо по врачувањето на „Златната топка“.

{loadposition content9}