Интер го купува Горан Пандев

Италијанскиот шампион е подготвен да го доведе Горан Пандев во своите редови, но наредната година кога ќе биде слободен играч.

Оваа резервација на Пандев дополнително го разлути, и така нервозниот претседател Клаудио Лотито, кој полека почна со реализација на заканите упатени кон македонскиот репрезентативец уште минатиот месец во кои јасно му кажа дека ако продолжи да работи на заминување ќе го седне на клупа. Како што е познато, Пандев нема да биде во авионот со кој Лацио ќе отпатува во Пекинг, каде в сабота ќе се одигра Италијанскиот суперкуп, токму меѓу Лацио и Интер.

Инаку, договорот на Пандев со Лацио истекува во јуни 2010 година, а како што стојат сега работите тој нема шанси да се продолжи бидејќи Пандев сака да замине. Но, очигледно тешко дека Пандев некаде ќе замине поради астрономските 19 милиони евра што ги бара Лотито како отштета.

{loadposition content9}