Ето ќе биде најскапиот?

Претседателот на Барселона Хуан Лапорта објави дека до клубот е доставена „монструозна“ понуда за напаѓачот Самуел Ето, со што тој би постанал најскап фудбалер во светот.

Лапорта не прецизираше колку пари понудил англискиот клуб за 28-годишниот репрезентативец на Камерун, но нагласи дека станува збор за „стратосферска“ сума.

„Ето пред себе има стратосферска понуда од Сити, која би го направила најскап играч во светот. Тој сака да остане, но ваква „монструозна“ понуда многу е тешко да се одбие“, изјави Лапорта.

Најскапиот трансфер во историјата на фудбалот беше склучен пред месец дена, кога мадридски Реал го купи Кристијано Роналдо за 80 милиони фунти од Манчестер Јунајтед.

{loadposition content9}