Екипата на ПС за безбедност во патниот сообраќај, најдобра во фудбал

Екипата на полициската станица за безбедност во патниот сообраќај од Охрид е севкупен победник на турнирот во мал фудбал организиран од СВР Охрид по повод 7 мај денот на македонската полиција.

Тие, во вчерашниот финален натпревар со фудбалската екипа од полициската станица од општа надлежност Охрид, на пенали извојуваа победа со резултат 3:2.  Победничката екипа доби пехар за освоено прво место на турнирот во мал фудбал како и признанија за учество и постигната победа.

Оваа спортска манифестација беше дел од повеќето планирани активности со кои СВР Охрид  го одбележа 7 мај денот на полицијата.

Фудбалскиот турнир се одигра во спортско рекреативниот центар „Биљјанини извори“ a учество зедоа вкупно шест фудбалски екипи од разни служби во СВР Охрид.

{loadposition content9}