Двобој на титаните

Хорхе Лоренцо нема да жали доколку не успее да ја освои светската титула во мотоциклизам.

Со победата на Есторил во Португалија пред една недела Лоренцо ја скрати предноста на Валентино Роси на одвај 18 поени, три трки до крајот на шампионатот.

Цел на шпанецот е да победува на сите писти, но и да не успее да го постигне тоа нема да се чувствува разочаран од учеството во едвај втората сезона како пилот во кралската класа.

„Сметам на себе во последните три трки. Ако сакам да ја освојам титулата тогаш немам други алтернативи. Имам само една шанса и ќе се борам за неа. Не мислам дека сум направил грешки. Ако изгубам тоа ќе биде така едноставно бидејќи Валентино ќе има три победи повеќе од мене. Нема за што да жалам, имам многу години пред себе“, изјави Лоренцо.

{loadposition content9}