Бенитез на кормилото на Наполи

Претседателот на Наполи, Аурелио Де Лаурентис на својот профил на Твитер потврди дека Рафаел Бенитез е новиот тренер на фудбалерите од Неапол.

„Рафа Бенитез е новиот тренер на Наполи. Човек со огромно меѓународно искуство. Вистински водач“, напиша Де Лаурентис и публикува слика заедно со менаџерот.

Воедно информацијата беше објавена и на официјалната интернет страница на шпанскиот стратег каде беше објавена и негова фотографија во друштво со првиот човек на Наполи Аурелио Де Лаурентис.

Наполи ќе биде десетиот тим за популарниот Рафа кој го има предводено. Претходно Шпанецот ги водеше тимовите на Челзи, Ливерпул, Валенсија, Интер, Тенерифе, Екстремадура, Осасуна, Ваљадолид и Б составот на Реал Мадрид.

Нашиот репрезентативец Горан Пандев и Рафаел Бенитез имаат соработувано во 2010-та кога двајцата беа дел од Интер и кога го освоија ФИФА клупското првенство и Суперкупот на Италија.

{loadposition content9}