„Australian open“ мака мачи со горештините

Екстремно високите температури кои достигнуваат преку 40 степени им создаваат многу проблеми на сите учесници во Грен слемот „Австралија Опен“.

Денеска на вториот натпреварувачки ден во Мелбурн беа измерени 42 степени, а ваквото време предизвика низ откажувања од тенисерите, како и онесвестување на неколку гледачи кои на трибините присуствуваа без заштита од силните сончеви зраци.
На еден меч се случи да му се слоши на еден „собирач“ на топчињата.

Во сите случаи неопходна беше интервенција од страна на медицинските екипи присутни на терените во Мелбурн.
Најкористен метод е „ледениот третман“ по кој дел од тенисерите успеаја да ги довршат мечевите, додека други ги предадоа.

Метеоролозите прогнозираат ваквото време да потрае до четврток за кога се најавува уште повисока температура. Заладување и пад на температурите за повеќе од 15 степени се очекува од сабота.

{loadposition content9}