Промоција на женски бизниси

40 претприемачки од пограничната зона Струга и Поградец, добро се покажаа. Имаше што да се погледне во холот на струшкиот хотел „Дрим“, на поставените штандови полни со, ткаени, везени, плетени шиени ракотворби, штандови со флаери од областа на  угостителство, како и производи од најразлични индустриски гранки. Јасмина Попоска од Македонската развојна фондација, рече дека се сублимираат искуствата на жените од Струга и Поградец. Додаде дека веќе се покажуваат позитивните ефекти од нивните бизниси.
Претставникот од Албанија, Ариола Аголи, упати благодарност до организаторите на саемот и потенцира дека ваквите настани претставуваат нераскинлив дел од една успешна обострана соработка. Таа смета дека полека но сигурно чекорат кон целта, промоција на женскиот бизнис во пограничната зона.
Стартот на проектот, Промоција на женско претприемништво во пограничен регион Струга-Поградец, со доза на резерва го прифатил Владислав Жупан, претставникот на општина Струга. Имено Жупан се јавува во функција на најдобро упатен во оваа проблематика бидејќи подолго време ја следи состојбата. Неговиот став после неколкуте заеднички реализирани активности со жените претприемачи е сосема сменет.
Збор два кажаа и бизнисменките од Струга и Поградец. Тие сметаат дека саемите се одлична можност за соработка, која пак понатака ќе помогне  многу во развојот на бизнисот.
На саемот се отвори можност за воспоставување на деловна соработка од повеќе сфери на бизнисот. Исто така имаше дегустација на јадења од надалеку познатата традиционална македонска кујна. Проектот Промоција на женско претприемништво во пограничен регион Струга-Поградец, финансиски е поддржан од Европската Унија, со цел да се подржи економскиот и социјалниот развој во погранично подрачје помеѓу двата соседи Македонија и Албанија.

{loadposition content9}