Се продава дел од локацијата на МЈП ПРОАКВА-Струга

Се продава дел од локацијата на МЈП „Проаква“. Старата зграда на ул. „Кеј 8 ми Ноември“, бб Струга веќе е на тендер, информира првиот човек на општина Струга Рамиз Мерко. Тој додава дека постапката е согласно програмата на Локалната за 2012 та година, која е помината на совет и веќе има заинтересиран, бизнисмен од струшкото село Радолишта. Градоначалникот Мерко не го откри името на компанијата, но ја потенцира според него важноста од продавањето на објектот.

„Ние мислиме дека тоа е позитивно за Локалната самоуправа, бидејќи тоа место треба да се изгради. Со продажба се акомулираат средства не само од продажбата туку и од комуналии и тоа место треба да стане едно атрактивно место не само за комерцијално деловни објекти туку и за станување, со тоа добива не само општината туку и граѓаните но и компаниите кои ќе работат“-вели Мерко.

Продавањето на дел од локалцијата на МЈП „Проаква“-Струга е добра финансиска поддршка за Локалната, убедува Мерко. Тој  воедно има решение и за тоа каде ќе ги носи вработените.

„Што се однесува до вработените, со договорот што се склучи, вработените ќе останат тука уште најмалку 6 месеци а за тоа време проаква предвидува изградба на свој канцеларии за вработените не подалеку од магацинските простори после раскрсницата за Велешта“-изјави градоначалникот.

Струшката локална самоуправа, од продажбата на објектот првично ќе се офајди со 37 милиони денари за објектот и земјиштето, плус средствата за комуналии при градба. Вака стојат работите околу продажба на дел од локалцијата на МЈП ПРОАКВА, Струга. Како што е добро познато оваа локација е на атрактивно место покрај кејот на реката Црн Дрим, каде стружани за брзо можат да очекуваат или хотел или стамбено деловен комплекс.

{loadposition content9}