Колоритен состав на новиот струшки совет

Овој е составот на новиот струшки совет. Советниците ќе се залагаат да работат за интересите на грашаните, се нивните ветувања.

Џеваир Беќири, Ќазим Салкоски, Елвадина Дика, Пулум Чура, Заим Даути, Сание Черменика, Мартанеш Даути, Мусо Мехмедоски и Дурита Асани. Овие девет кандидати членови на ДУИ најмогу места пополнуваат во идниот совет на о.Струга. За разлика од претходниот состав, овој пат ДУИ настапува  со помалкиу советници.

Од албанскиот блок партии ДПА во советот има обезбедено 4 советнички места: Сурија Рашиди, носител на листата, Љуљзиме Зулали, Џеладин Кица и Ментор Доко. Иако од партијата очекувале нивниот број да биде поголем сепак задоволни се и со оваа бројка. Важно е велат, советниците да работат во интерес на граѓаните.

Коалицијата на ВМРО ДПМНЕ во советот ќе учествува со 6 советници. Момчило Аврамоски, Никола Затуроски, Славица Секулоска,  Златко Шурдоски, Милчо Чакарески и Јулијана Зуноска. Струшките социјал демократи во општинската сала обезбедија три советнички места. Во работата на советот ќе бидат вклучени;Александар Попоски, Илија Мацески и Наташа Пинтоска. Од оваа партија се задоволни од постигнатите резултати, во споредба со парламентарните избори на овие имаа освоено многу повеќе гласови.

Мирсад Мемишоски, Менсур Османоски и Ардијана Асоска, се советниците од ПЕИ. За многумина трите советнички места кои ги обезбеди оваа партија се изненадување, сепак од ПЕИ очекувале барем уште еден советник повеќе.

Од досегашните резултати, Нова демократија во струшкиот совет ќе работи со два  советници, ПОДЕМ не успеа да ги добие потребните гласови за советник и нема свој претставник во советот како и ЛДП, тие за  20-тина гласови  не се вбројува во  советот. Одлучувачки ќе бидат гласовите од двете изборни места каде дополнително треба да се гласа.

{loadposition content9}