Интензивни активности за подобрување на патната инфраструктура во Дебрца

По повеќекратните барања од советот на Општина дебрца и градоначалникот на општината до Јавното претпријатие за државни патишта, даден е налог за изведба на банкините на Регионалниот пат Р29273 Ботун-Брежани-Железнец, активност потребна за рехабилитацијата на регионалниот пат во 2017 година, со што граѓаните со години се соочуваа со отежнато одвивање на сообраќајот и оштетување на возилата.

Деновиве ЈП “Македонија Пат” со помош на општинската механизација на Дебрца, започна со изведба на банкините на делницата Ботун-Белчишта, во должина од 2,5 км и делницата Белчишта – Лешани, во должина од 2,0 км.

Останува нашата заложба и барања до ЈП за државни патишта за рехабилитација на коловозот по целата должина на регионалниот пат.