Државно првенство во ловење риба со пливка на Црн Дрим

Викендов на кејот на реката Црн Дрим во Струга се одржа Државното првенство за кадети и јуниори во организација на Македонската Риболовна Федерација.

На натпреварот во ловење риба со пливка, учествуваа 4 екипи на кадети, кои се натпреваруваа екипно и поединечно, 9 јуниори кои се натпреваруваа поединечно и една кадетска екипа на девојчиња, кои имаа настап од ревијален карактер. Во кадетска конкуренција, поединечно, првото место го освои Илија Рупев од Св.Стефан од Охрид, второ место го освои Еми Трендафилова од екипата на Професионал од Велес, а третото место припадна на Стефан Богески од Мамец од Прилеп. Во јуниорска конкуренција, поединечно, првото место го освои Петар Дучков од Кркушка од Велес, второто место го освои Рамиз Малику од Црна Река 1929 од Битола, а третото место го освои Дарко Андов од Кркушка од Велес. Во кадетска конкуренција, екипно првото место го освои екипата на Професионал од Велес, второто место припадна на Мамец од Прилеп, а трето место освои екипата на Св.Стефан од Охрид.