ДПА по втор пат реагира на новите партиски вработувања во Струга. Претседателот на општинскиот огранок Зиадин Села вели дека во СВР Струга неодамна се вработени 7 лица сите македонци, кадар на ВМРО ДПМНЕ и тоа без конкурс. Тој јавно прашува каде е овде правичната застапеност која треба да ја има.
„ Пред два дена се вработени двајца членови на ВМРО ДПМНЕ, а уште двајца се очекува да се вработат во наредните денови – вкупно четворица вработени сите македонци.
Повеќе од јасно е дека ВМРО заедно со ДУИ на прагот на предвремените избори веќе работат во правец на етнизација и партизација на полицијата, се со цел манипулирање на изборите. ДУИ вработува само македонци бидејќи му е јасно дека гласовите кај албанскиот електорат не може да добие. Според нашите информации во полициската станица во Струга, вкупниот број на вработените албанци не преминува 25 % од вкупниот број на вработените“, вели претседател на ДПА Струга, Зиадин Села.
Претседателот на ДПА реагира и на тоа што повеќе од година и пол е затворена полициската станица во Делогожда. Според него, причина за затворањето на оваа станица е тоа што за време на владеењето на ДПА 2006 – 2008 год, комплетната полициска структура била составена од вработени албанци, што, како што вели, воедно го претставуваше и етничкиот состав на населението во ова населено место. Тој потенцира дека полициската станица во Делогожда била затворена од повисоки структури на МВР.
Села потенцираше и дека e повеќе од јасно дека ВМРО ДПМНЕ и ДУИ не им веруваат на албанците, а резултат на тоа е граѓаните да не се безбедни, криминалот да цвета, шумите на Караорман да се опустoшуваат, затоа што, како што рече, дрвокрадците се тука и имотот на граѓаните Aлбанци е под знак прашалник.
„ Ова е ДУИ, која секојдневно работните места на албанците им ги продава на македонците, им ги продава ловечките зони на Вевчанци, ги остава албанските ученици од Подгорци без свидетелства и ги нарекуваат нелегални паралелки ги дава плажите под концесија 70% на македонсците а 30 % на албанците, да и тоа богатство што го имаат албанците не им го обезбеди туку им го краде. Ова е политичкиот субјект кој веќе три години е на власт а нема ниту едно вработување на ниту еден албанец од Струга во институциите на централната власт кои делуваат во Струга, а во меѓувреме вработува стотина македонци во истите“, вели Села.
Претседателот на ДПА реагираше и за новите вработувања во ЈП Проаква. „Директорот на ова ЈП Ваит Ајро, кој е кадар на ДУИ, за нецел месец, подели околу 20 решениjа за работа, од кои 14 за Mакедонци и 6 за Aлбанци. Повеќе од јасно е дека централната и локалната власт на ДУИ има само еден именител – продадени луѓе, кои многу брзо ќе ја добијат казната што ја заслужуваат, истакна Села.
{loadposition content9}
