Дискриминацијата преку куклени претстави

Основците од струшките рурални средини ќе се запознааваат со концептот на дискриминација. Тоа се прави преку 11 куклени претстави, во организација на Локалната агенција за развој. Денес куклена претстава беше прикажана во струшкото село Драслајца, поточно во О.У. „Св Климент Охридски“. Целна група беа децата од трето до шесто оделение.

Јасмина Попоска од Локалната агенција за развој, вели дека најинтересно после претставата е да се слушнат размислувањата на децата, кои поставуваат интересни прашања. Таа појасни на што се става главниот акцент преку овие претстави.
На субјектите кои се директно вклучени во образовниот процес, веќе им се презентирани насоките кои треба да им ги посочат на децата за препознавање на дискриминацијата, вели Попоска. Таа додава дека кај децата сеуште постојат  стереотипи и предрасуди за другите.  
Претставите покрај што се интересни за основците, тие на некој начин и одговараат на поставената цел, а тоа е како децата да ја препознаат и како да се заштитат од дискриминацијата, вели педагогот на училиштето Даница Алексиеска.
Драслајчкото основно училеште е трето каде се изведува куклена претстава после Вевчани и Мороишта. До крај на месецов вакви претстави ќе се изведат во струшките села, Октиси, Делогожда, Франгово, Заграчани, Радолишта, Лабуништа, како и во О.У. Браќа Миладиновци-Струга. Во некои од училиштата од руралните средини се поклонети 5 комплет сцени, како би можеле децата со наставниците и сами да организираат куклени претстави, велат од Локалната агенција за развој на Струга.

{loadposition content9}