Детската недела се одбележа и во Струга

Родителите од децата од предшколските установи донираат облека со цел да им се помогне на оние деца од општина Пустец.

Детската недела не ја заборавија Стружани. Предшколската установа 8-ми март со бројни активности ги обележа деновите посветени за детето. Членовите во детската градинка “Сонце“ како и „Пеперутка“ кои се во склоп  на „8-ми Март“ во текот на оваа недела се запознаваа со своите права и ја одбележаа со неколку активности.

Во склоп на „Детската недела„ предшколската установа организира и хуманитарна акција. Родителите на децата кои се членови во градинките се известени дека треба да донесат подарок, за на тој начин да им се помогне на другите деца.

Хуманитарната акција насловена како „Од дете за дете„ е со цел да им се помогне на децата од општина Пустец, Р.Албанија а е во организација на з.ж Езерка од Струга како и пратеничката Лилјана Затуроска.