Рачна дезинсекција викендов во Струга

Општина Струга известува дека на 13.06.2015 (Сабота) и 14.06.2015 (Недела), ќе се врши дезинсекција против комарци во општина Струга. Запрашувањето ќе се врши рачно.

„Дезинсекцијата ќе започне од 20:00 часот во специфични, проблематични точки на целата територија на општината. Истовремено се известуваат пчеларите да ги преземат мерките за заштита на пчелите во наведениот период.-стои во соопштението.

Од општина Струга информираат дека препаратите, што ќе се користат при дезинсекцијата не се штетни за луѓето и животните.