Згасна градскиот линиски превоз

Линиите понудени на тендерот објавен од страна на општина Охрид, со линиите запишани во дозволата со дреастични разлики. Општинскиот сообраќаен инспекторат пред два дена им ги одзел дозволите за линиски превоз на фирмите кои го добија општинскиот тендер во месец февруари. Дознаваме дека оваа одлука инспекторатот ја донесол откако  констатирал големи неправилности во издадените писмени дозволи од страна на Општина Охрид.

Оваа информација ни ја потврди Димитар Василески, директор на АД Галеб Охрид, една од фирмите која го доби тендерот. Тој во телефонскиот разговор само ни кажа дека по укажувањето од инспекторатот лично ја вратил дозволата, затоа што повеќе од очигледни биле неправилностите во тендерот и добиените дозволи. Додава дека и за тоа кратко време што се спроведувала оваа линија, фирмата направила повеќе трошоци, а немала никаква добивка.

Изборот на превозникот и издавањето на дозволата и регистрираниот возен ред го вршеше комисија формирана од Градоначалникот на општина Охрид согласно понудите од јавниот оглас објавен од страна на општината на 19ти Ноември минатата година. На овој повик покрај АД Галеб Охрид, беше избран и превозникот Димакс експресс.
Линискиот превоз во Охрид беше помпезно најавуван во неколку наврати од бившата гарнитура на локалната самоуправа. Уште минатата година за потребите на овој превоз беше извршено бележење на автобуските постојки на неколку локации низ градот.
Иако се работи за релативно мал град, граѓаните во минатото често реагираа и бараа градски линиски превоз, особено постарата популација која живее подалеку од централното градско подрачје. Замислата беше двете линии од линискиот превоз да доаѓаат до населбата „Гоце Делчев“ или „Бараките“, потоа населбата „Гоце Делчев“, од „Бараките“ по „Јане Сандански“, по „Туристичка“, по „Железничка“ до кај автобуската станица. Овој превоз според бившата локална самоуправа требаше да се одвива по симболична цена, а за  посебните групи на граѓани, за пензионери и други да биде бесплатен.

За жал пред два дена  жителите од кај бараките последен пат имаа можност да го користат линискиот превоз, кој толку долго го чекаа. Да се надеваме дека новата локалната самоуправа и градоначалникот Никола бакрачески, ќе изнајде начин линискиот превоз во Охрид да го стави во функција.  

{loadposition content9}