„Зборникот за Охридското востание“ промовиран пред охридската јавност

„Зборникот за Охридското востание“ после долгогодишни подготовки денес промовиран пред охридската јавност. Ова дело произлезе од минатогодишниот научен собир што се одржа во Охрид и Дебар по повод 100 години од избувнувањето на Охридско-дебарското востание. Во зборникот се опфатени единаесет реферати во кои е обработено охридско- дебарското востание во кое учествувале од 2500 до 5000 жители од овој крај, од кои голем број биле албанци. Во востанието биле уништени и запалени стотина села и 1000 куќи.

Ова востание не беше промовирано во нашаат историја и покрај тоа што за ова востание уште во 1917год. Било промовирано од охриѓанецот Кирил Прличев во својата книга за српската власт и за револуционерното движење го нотирал ова востание . Ова востание е присутно и во мемоарите на ВМРО во 1920год. Потпишани од охриѓанецот Петар Чауле, но нашите историчари до минатата година го заборавија и бугарската исторографија сакашае да го присвои како бугарско, а сите знаеме дека во него учествувале македонци и албанци, вели  директорот на Институтот за Национална историја Драги Ѓорѓиев.

Ѓорѓиев вели дека ова востание е прво во Македонија во кое заедно учествувале македонци и албанци против окупаторот  кој дошол во Македонија по балканските војни. Тој вели дека заслужува овај историски настан, а посебно жртвите кои загинале во ова востание да имаат едно соодветно обележје.

Ние историчарите го направивме своето, сега општините Охрид и Дебар треба да се заложат за да се направи еден споменик кој ќе сведочи за ова востаниеи ќе го симболизира заедништвото на македонците и албанците во ова востание, вели Ѓорѓиев.

По промоцијата во Охрид, „Зборникот за Охридското востание“ ќе биде промовиран и во Дебар. На денешната промоција во Центарот за култура во Охрид учествуваа и албански историчари кои беа дел од научниот собир по повод 100 – годишнината од ова востание, но и дел од изработката на книгата.

{loadposition content9}