Засилени сообраќајни контроли на подрачјето на СВР Охрид

При сообраќајни контроли извршени на 19.10.2021 година во времето од 08 до 12 часот, полициските службеници на подрачјето на Охрид и Струга, извршија контрола на 87 моторни возила кои вршат јавен превоз на патници (Охрид-47, Струга-40) од кои, 25 се упатени во станица за технички преглед (Охрид-12, Струга-13).

Притоа во Струга, кај пет возила констатирани се технички недостатоци. Во Охрид не се затекнати возила кои вршат нелегален такси превоз, а во Струга, со специјално возило „пајак”, подигнати се девет неправилно паркирани моторни возила. Во Дебар, полициските службеници регистрираа и санкционираа 12 возачи на моторни возила кои ја надминале дозволената брзина на движење (04 во населено место и 08 надвор од населено место), а во Кичево, при преглед на 08 моторни возила, констатирани се 02 прекршоци за што поднесени се соодветни прекршочни платни налози. Целта на контролите е зголемување на сообраќајната безбедност на патиштата – информираат од СВР Охрид.