Зачестија дефектите во Охрид

Ова е трет поголем дефект за само два дена на подрачјето на општина Охрид. Синоќа жителите на улиците „Гоце Делчев“, „Дејан Војвода“, „Пере Тошев“, „Петар Поп Арсов“, „Стив Наумов“, „Јабланица“ и делови од булеварот „Туристичка“, до нешто после полноќ останаа без вода.

Интервенцијата траела до доцна во ноќта затоа што  пукнала цевка со димензии Фи 300 и целата морала да биде заменета. И овој пат како и во претходните случаи со дефектите кај  Енерго Центар на ЕВН и наспроти СВР Охрид, кога жителите во реонот останаа без вода, директорот на МЈП Проаква Томе Паскалиев недостапен за јавноста. Двеста километарската водоводно канализациона мрежа попушта и секојдневно прави проблеми а граѓаните треба да бидат информирани како ЈП се справува со дефектите.

{loadposition content9}