Возило излетало од патот кај месноста „Карпа“

На 29.01.2022 во 21:45 часот на магистралниот пат А3 Охрид-Кичево, кај месноста „Карпа”, патничко возило „фиат”, со охридски регистарски ознаки, управувано од Н.М. (43) од охридското село Велгошти, излетало од коловозот.

Во несреќата возачот се здобил со тешки телесни повреди, констатирани во болницата „Св. Еразмо” во Охрид. Увид на местото е извршен од страна на увидна екипа од полициска станица Охрид – информираат од СВР Охрид.