Првиот човек на Здравствен дом Виктор Исјановски потврди дека во петок започнува имунизацијата против сезонскиот грип. Граѓаните кои се пријавиле на vakcinacija.mk ќе добијат порака на својот мобилен каде и во колку часот да се вакцинираат.
Во првата пратка на сеознски вакцини за грип ќе има 4.000 вакцини, а тие се наменети за медицински лица, хронично болни пациенти, за граѓани над 65 години и за деца под 5 години, велат здравствените власти. Досега се пријавиле 21 илјада граѓани за вакцина, потврдија од системот „Мој Термин“ за Канал 5.
Пријавените од кои најзастапени се возрасните лица над 65 години, се регистрирани во системот на првиот ден од пријавувањето за вакцинација од сезонски грип. Досега е потпишан договор за набавка на 40 илјади дози.
Според Институтот за јавно здравје досега се пријавени 73 случаи на грип. Најмногу заболени има во Дебар 32, Охрид 16, Гостивар 9, Скопје 8.
Извор/Канал5
